fimmtudagur, 30. ágúst 2012

rýmið 04


- baðherbergi á hótel Bordeaux de L'Hôtel Particulier í Arles, Frakklandi
- arkitekt Paul Anouilh

mynd: 
Marie Claire Maison

þriðjudagur, 28. ágúst 2012

sumar: lautarferð


Ég veit að skólarnir eru þegar byrjaðir og margir komnir í haustgírinn en samkvæmt almanakinu er enn þá sumar. Hvernig væri að fara í eins og eina lautarferð áður en laufin falla af trjánum? Það er gaman að keyra út í sveit og njóta náttúrunnar en það er í raun óþarfi að fara langt, það má þess vegna bara fara út í garð með teppi, púða og nesti í körfu og gera sér glaðan dag. En ég er alveg á því að sleppa öllu plasti, ég bið um alvöru glös og diska og sætar tauservíettur.

mynd:
Martin von Brömssen fyrir Sköna hem

fimmtudagur, 23. ágúst 2012

Rýmið 03



Því miður veit ég engin nánari deili á uppruna þessarar myndar en þessi smekklega og heimilislega stofa hefur lengi verið í uppáhaldi hjá mér. Innbyggðar bókahillur sem ná frá gólfi og upp í loft eru svo sannarlega mér að skapi.

Hvað er heimili án bóka?

mynd:
Sydney Morning Herald af blogginu Brabourne Farm

miðvikudagur, 22. ágúst 2012

sumar: blóm og rendur


Ég ætla að birta reglulega myndir á blogginu sem fanga stemningu árstíðanna. Ég hef svo gaman af fallegum ljósmyndum sem ekki bara næra andann heldur gefa manni líka hugmyndir að hvers kyns skreytingum, hvort sem það eru borðskreytingar, uppröðun á smáhlutum eða hvað sem er.

Sumarstemningin í þessari mynd finnst mér hreint út sagt dásamleg. Öll þessi blóm, röndóttu renningarnir og gömlu stólarnir hafa rómantískan sjarma. Það væri nú ekki leiðinlegt að gera svona fínt hjá sér og hóa svo í nokkrar vinkonur og eiga notalega stund.

mynd:
Apryl Ann af blogginu 100 Layer Cake

mánudagur, 20. ágúst 2012

rýmið 02

hönnuður Darryl Carter · arkitekt Donald Lococo


- nágrenni Washington D.C.
- hönnuður Darryl Carter
- arkitekt Donald Lococo

mynd:
William Waldron fyrir Architectural Digest

miðvikudagur, 15. ágúst 2012

rýmið 01


West Village, New York · hönnuður Steven Gambrel


- West Village, New York
- hönnuður Steven Gambrel

Rýmiðer sería á blogginu þar sem ég einungis birti eina mynd og tilgreini hönnuð og staðsetningu,
ef hún er gefin upp. Orð eru óþörf og fókusinn er á fallega hönnun, samspil lita, birtu eða hvað sem er.


mánudagur, 13. ágúst 2012

velkomin á íslenska útgáfu bloggsins


Það hefur togað í mig að blogga á íslensku í sama anda og ég geri á LatteLisa, bloggi sem ég hef haldið úti síðan sumarið 2010 og er mín fagurfræðilega útrás. (Nánar um það undir um LatteLísa.) Kannski má segja að tölvupóstar frá Íslandi hafi smám saman ýtt undir þessa hugmynd. Það er alltaf notalegt að fá kveðjur að heiman frá fólki sem maður þekkir ekki neitt, sem segir að það skoði bloggið í kaffipásunni til þess að fegra tilveruna og næra andann.

Ég blogga um svo til allt sem veitir mér innblástur, hvort sem það er falleg hönnun og heimili, bækur, ferðalög, tískuþættir, fagrir munir eða hvað sem gleður augað. Íslenska útgáfa bloggsins verður í þessum sama anda en ég mun ekki endilega birta það sama á báðum bloggunum í einu. Það mun gerast öðru hverju en helst vil ég brjóta þetta aðeins upp.

Fyrir ykkur sem hafið ekki fylgst með ensku útgáfunni þá er óhætt að segja að myndin að ofan lýsi mér vel, það vantar í raun bara lattebollann og kannski fersk blóm í vasa. Þar sem ég sit má ávallt finna bækur, tímarit og minnisbækur. Ég er mikil bókakona og les yfirleitt nokkrar í einu. Þessa dagana er ég að lesa bókina Paris: The Collected Traveler: An Inspired Companion Guide, ritstýrð af Barrie Kerper. Ég er að skipuleggja ferð til Parísar með vinkonu minni og ef ég tek saman allt sem mig langaði að skoða áður en ég fékk þessa bók og bæti svo við þeim hugmyndum sem fæðst hafa við lesturinn þá held ég að það væri jafnvel bara best að flytja þangað í kannski þrjú ár eða svo!

Ég er búin að setja upp síðu á Facebook fyrir bloggið og þar birtast uppfærslur sjálfkrafa. Ég deili svo einhverju skemmtilegu á þeirri síðu inn á milli án þess að drekkja fylgjendum í uppfærslum. Ég er einnig búin að skrá bloggið á Bloglovin' en það er þægilegt svæði þar sem má halda bloggsíðum til haga, flokka þær eftir efni og fylgjast með uppfærslum. Fyrir ykkur sem notið Pinterest þá er ég búin að vera þar lengi og er komin með ansi gott myndasafn.

Í dag birti ég tvær færslur svo þetta verði ekki tómlegt svona fyrst um sinn. Eigið góðan dag og verið velkomin á íslenska útgáfu bloggsins!

mynd: 
Lísa Hjalt

Follow my blog with Bloglovin